عذب الكلام

[موادع]

الكتــابه جـرح ياجــرحي وضعـفٍ فيـه قـــوّه
والـكـآبه عيب فينـي تعــرف حـــدود الـكـآبـه


والمشاعر لـو أبخفيهـا غصـب عنّـي تفــوّه
والقصيــــد يــدق بابـي لـو مـا دقيـت بـــابـه


غارقٍ حضرة جنابي في هوى حضرة سمـوّه
وفي هوى حضرة سموّي غارقٍ حضرة جنابه


والإجـــابـه يالســــؤال اللـي تسميهـا مــروّه
أي مروّه وأنت حــاديني علـى مـرّ الإجـــابـه


هو أنا اللي مـن عذابـه يرفـق بحـــالـه عـدوّه
وإلا أنا اللي دون فــرحه وقّفـوا كـل الـقـرآبـه


هو أنا ذآكـ الصغير اللي بدنيـــا الحـب تــوّه
وإلا أنا من ضــاع عمره بالهوى وأفنى شبابـه


هو أنا اللي عن سيوف البرد قام وشبّ ضـوّه
مـا درى إلا ونـاره أحرقـت زاهـــي ثيـــابـه


وألا أنا ذاكـ اليتيـم الجــاهـل ابمعنـــى الأبــوّه
إنجرح صوته وهـو يســـأل ولا حـيٍ درآبـــه


من عذابه يسأل أمه كيف غاب .؟و ويـن هـوّه
يسـأل أمـه من عــذابه هـو متـى ينهـي غيـــابـه ؟!


كل فـرح وكل جـــرحً في طرف عينـي تشـوّه
ضحكتــي فيها غمـــوض ودمعتـي فيها غرابه


ســوّ فينـي يـازمـــانـي كـل مـا تبغيـه سـوّه
وإلا أنا ماعـــاد تفـرق دامهـا الأشيـا تشابـه

[لحن الروند]

رغم روعة الأبيات لكنها
أبيات يكسووها طابع الحزن
دمت ودام إبداعك

[دموع الورد]

روووووووووعه دمت بهذه الروعه لاعدمناك

[موادع]

رغم روعة الأبيات لكنها
أبيات يكسووها طابع الحزن
دمت ودام إبداعك

ســوّ فينـي يـازمـــانـي كـل مـا تبغيـه سـوّه
وإلا أنا ماعـــاد تفـرق دامهـا الأشيـا تشابـه

اشكر مرورك اختي

[موادع]

روووووووووعه دمت بهذه الروعه لاعدمناك



الاروع مرورك اختي دمتي بود