انسان هادئ يستعين بالاعضاء

[انسان هادئ]

السلام عليكم ورحمة الله
اهلا هلا ويا هلا فيكم احبتي اعضاء المنتدى الاكثر دائم من رائع وكذلك الاجمل .
.................................................. ........................................
انا صراحه عندي مشكله لطفل رضيع الا وهو ابن اخي الاكبر يبلغ من العمر 8 اشهر
المشكله هيا انو انسكبت عليه القهوه من فوق الغاز وقت غليانها مدة 10 دقائق
من على وجهه الى اسفل بطنه ونقل حينها الى المستشفى وبعدها نقل سريعا
الى مشفى الامير عبدالرحمن السديري وبعد ذلك بطائره خاصه للرياض .وخرج من
المشفى تحت المسؤوليه من ابيه ذلك لما رائه من اهمال من المشفى. تعرض
الى تشوه في وجهه وجسمه .. والان الحمد لله ذهب الجزء الذي بالوجه وبقي اثار
ع وجهه وكذلك اجزاء من جسمه . حيث انني ما زلت انا بنفسي اراجع به في باقي المستشفيات
ولكن دون جدوى . اردت منكم ما هو الحل لابعاد اثار التشوه . علما انه لا يستطيع النوم من الحرق
حيث انه دائما يبكي ويتقرص من الحرق . اذا كنتم تعرفو له علاج يبعد عنه الاثار اكون لكم ممنون .
.................................................. .........................................
تقبلو مني التحيه تسمو الى قلوبكم من اخيكم :: انسان هادئ:: .6.

[دموع الورد]

ياحرام مايشوف شر ...
انا اعرف الزيت الاحمر اللي يسوونه الحريم ينحط على الحروق ومايظهر لها اثار لكن الحين مااعرف يفيد ولا لالانه صار له فتره زي ماقلت كمان في مرهم ميبو وهذا بالصيدالايات تلاقيه روعه للحروق واثارها بس انا بتصل على امي من ايش يتكون وبقولك عشان تخلي احد يسويه ويستعمل كدهان على المنطقه المحروقه ..

[عشقي دومة الجندل]

ياقلبو يالصغيرون مايشوف شران شاء الله ياقلبوا ياعمري ليش جاء عند القهوه ياحول يالاطفال مشكله والله يحرقون القلب في الزيت اللي قالت عليه دمووووووووووووووووعه الاحمر وفي اصفر البيض بس ماادري كيف يتسوى فيه والله مااعرف لازم مخلوط بشي اصفر البيض عشان يبني النسيج من اول جديد وانتبهوا تحطون عليه شاش وتشلحون بقوه او مراهم حاره انتبهوا لانه حرق لازم اشياء بارده ياقلبوا يالصغيرون مايشوف شر ان شاء الله والف لأباس عليه

[لحن الروند]

اهلين اخوووي انساان
الله يشافيه انا اشووف مافي احسن له من المستشفى
واللي يحكوون عنه الزيت مووو لكل انواع الحروووق
مثله مافي شيء يفيده غير المستحضرات الطبيه لكن انا اذكر بنت اخووي من مده انكب عيدها شاااي وبااان اثاار الحرق مافادها بعد المستشفى غير مرهم من الصيدليه اسمه ميبو اتوقع

[ابو طارق]

والله انا ماعندي شي اقدر ااكدة لك

بس اتصلت بكذا شخص انصحوني بالزيت اللي اذكرنه الاخوات

وكذالك بالعسل الاصلي يزيل الاوجاع يوضع على مكان الحرق

وما اقدر ازيد الا بالدعاء له بالشفاء العاجل

الله يشفيه ويعافيه ويسلمه من كل شررر

[انسان هادئ]

اسعدتني زيارتكم وارائكم الميمونه
اشكر لكم تعاونكم وتلاطفكم معي
شاكر لكم جزيل الشكر لزيارتكم الساميه
تقبلو شكري ...........................6

[دموع الورد]

والله ياقطر المستشفى ماغير يعذبونه بالقص والتنظيف القوي وبدون رحمه وهذا الزيت مجرب واذا مافاده انشالله ماراح يضره كل يوم يدهن منه ويغسل مكانه بمطهر حروق لين مايتحسن ,,
الطريقه حقت الزيت ..
المكونات ..خوا جوا وهذا عشبه من عند العطار تحصلها وكمان الحلتيته تحطهم مع زيت زيتون وبصل ابيض حبه وحده وتغليهم على النار لين يصير لونه احمر وبعد مايبرد حطه بعلبه معقمه وكل يوم يدهن منه ,,وبالشفاء انشالله ولاتنسونا من دعواتكم

[كاكا]

الله يشافيه

اذا ممكن تطلع فيه للمستشفيات الخاصه بالاردن

الله يشفيه لكم يارب

[درقن درقن]

الله يشفيه ويهون عليه أوجاعه يارب

لكن أنا سمعت شخص كبير يتكلم ع الجوال مع واحد وكان يوصيه يقول حط عليه من لبن الصبااار
وبعد ماخلص سألته وش السالفه .. قال واحد بنته فيها حرق وقلت له الطريقه عشان يروح الحرق
ولا يصير له آثاااار مستقبلاا , قلت له معقوله يرجع الجلد مثل أول , قال أنا مجربه على ولدي والحمد لله ومجربينه نااس كثير ووصف لي يقول إنه " بعد ماتكسر الصبار يطلع لبن "

أنا أقول إسأل عنه وأنا بكرا راح أجيب لكـ العلم الأكيد من الرجااال لأن رقمه مو عندي بس بكرا راح ألاااقيه إن شاء الله
إنتظر ردي بكراا والله يهون عليكم

[كن مثلي]

الله يشفيه يارب
لكن اخوي انسان هادي درجة الحروق عنده كم لان لازم ناخذ الشي بعين الاعتبار
اخوي الحروق مش سهله ولازم نكون حرصين من جميع النواحي
لو تاخذ بشوري مستشفى تثقون فيه وبس
ممكن عصار ميبو للحروق السطحيه يفيد لكن حروق كبيره ماعتقد
والزيت اللي تتكلمون عنه اخاف بعدها يتلوث المكان او حاجه من القبيل يعني يطلع صديد وغي انتو بغنه عن المتاعب هذي كلها
شوفلك لو مستوصف تراجع به يومين ينظفون له وكمان يعالجوه من الحروق هذا اقل حاجه تسويه للشخص محروق
الله يشفيه ومايشوف شر باذن الله

[آلـــشــآمـخ]

وعليكم السلأم ورحمة الله وبركأته
ألله يشفيه يآرب
عندي بعض المعلومأت "
عليكـ بزيت عائشه .. وعسل طبيعي
والله يشفيه انشالله
..~

[a7la ledy]

الله يشفيه يارب ياقلبووو مايستاهلون الاطفال
لكن لاتستخدمون علاجات طبيعيه لانها تجفف الجلد وينكمش ويسبب شكل تجاعيد دائمه بالجلد

انصحكم بالمستشفى مهما طال مدة العلاج
لانهم الجلد المحروق والجاف يقصونه ويبدا يطلع جلد جديد شوي شوي يكون متساوي وطبيعي

اسمع كلامي عن تجربه

[انسان هادئ]

اسعدني تلاطفكم معي وارائكم الميمونه
وان شاء ربي تجدونه في ميزان حسناتكم
وكذلك اكون لكم شاكر جزيل الشكر وما راح
انسى وقفتكم في هذا
اشكركم جزيل الشكر
محبكم : انسان ..6.

[ساأعود لكم]

ماعندي الا الدعوات له بالشفاااااء ...

[انسان هادئ]

وانتي كمان يالبتول انتبهي لطفلتك
ولا تخليها تغيب عن عينك
ربي يحفظها لكم
تحيتي لك لمرورك صفحتي

[ஐ جــــــgد ஐ]

الله يشفيه
مره خدامتنا قالت ان اخوها فيه حروق وجرب كل شي مافاد
لين ماجرب زيت الزيتون وراح كله سبحان الله كان متعقد ومايبي يتزوج من التشوه
وهذي حروق لها سنين وراحت واكيد لو مقري عليه افضل وافضل
بس مدري عن الحروق الحديثه اقرا عن زيت الزيتون للحروق والله يشفيه