العمر فدوه لكن القلب هاته

[ريم الفلا]

شفتك بعد غيبه .. وحاولت احاكيـك
مهوب من قلبي ولا مـن جراتـه


بغيت اقول / فلان وازريـت اناديـك
وكني سمعت اسمـي مع الالتفاتـه


فزيت من نومي وانـا اقـول لبيييـك
وآثرك رؤيا .. فـي منامـي وجاتـه


صفقت كف .. وقلت يا حلم وش فيـك
جددت لي جرح ٍ هنـى فـي مباتـه

يا اللي شريت البعد .. ما غاب طاريك
حتى لو ان البعـد .. سـوى سواتـه

مهوب محزني .. على حاجـةٍ فيـك
إلا إن قلبي شايـفٍ بـك غناتـه

كن الطيوف تقـول وش حـال غاليـك
وآقول راح .. وما بقـى الا غلاتـه

لو ان ما جانـي مـن الهـم ياتيـك
كان المصلي ما حفـظ وش صلاتـه

مريت دربن .. وصادفني أخييك
واللي قطع كبدي .. حلاتـك حلاتـه

بغيت الخبط من دعايـاه ,, وادعيـك
واسمك وقف بين اللسـان ولهاتـه

وبغيت اجيب العيد وآقول : يرضيـك
فاللي وصاتي له .. وضيّـع وصاتـه

البعد شيّـب خافـقٍ ميـت فيـك
والى مشى خطوه عثر فـي عصاتـه

مشكلتي / إن قلبـي يحبـك ويغليـك
ومشكلتك / انك شخص عايش حياتـه

كثر الجفا .. نار .. وحطبها تغليييـك
خف الحطب .. لا تزيد نار الشماتـه

إن ما احزنك جرحٍ برجواه يدعيـك
ما عاد تفرق .. عيشته مـن مماتـه

قلبي وعمري .. كلهـا بيـن اياديـك
العمر فدوه .. لكـن القلـب هاتـه

وإن ما بغيت ترد قلبي مـا اوصيـك
احسن عزاه .. اللـى دريـت بوفاتـي

راقت لي كثيرآ

[البارز]

قلبي وعمري .. كلهـا بيـن اياديـك
العمر فدوه .. لكـن القلـب هاتـه

الله يعطيك العافبة

[ريم الفلا]

ياهلا فيك اخي البارز

اشرقت الصفحة بتواجدك العذب وردك االعطر

احترااامي لك

[كاكا]

كلمات تتلالاء في سماء الابداع وروح العطاء
قلم ينحني له كل الاقلام همسات ينصت لها القمر
و يتثرد أمامها الزهر..
لروحك حدائق الياسمين..

[العيون الساهرة]

ذوووق ريووم تسلم هاليدين

[دموع الورد]

ابيات رائعه كروعتك
لاخلا ولاعدم

[عزف الدموع]

الله الله عـليك ريومه ابيــات في منتهـي الرقـــه والجمـــال .

تسســلم يديك . ابيـات رائــعــه . لا عدمنــاك ,

ربي يعطــيــك العـافــيه .

دمتي بخـيـر

[ريم الفلا]

كما اسعدني حضوركم الراقي والجميل

لكم ودي واحترامي