ما بين كفي والقمر ألف مشوار
ومسافة الحرمان تطـوي سنينـي

دونك سراب الوقت خاين وغدار
يطرد متاهاتـه خفـوق(ن) حزينـي

عروق نبضي بالحشا كنها أوتـار
تعزف تقاسيم الحزن مـع حنينـي

ضميان أدوّر في سنا واهج النـار
قطره تبل أرمـاق جـرح(ن) دفينـي

بعيني يموت الحلم نغمـات سمّـار
وذكرى حزينه ترتسم وسط عيني

وأقسى عذابي بين لوعه وتذكـار
رغم الظروف القاسيـه تحترينـي

هاجس غيابك يسقي الخافق أمرار
وجرح المفـارق عبـرة(ن) تحتوينـي

وما بين عينك والسهر مركب أسفار
يلعن ردات الحـظ بينـك وبينـي