يسلموا اختي قطر الندى على الاختيار

وموضوع مميز وطرح ولا اروع وان شاء الله يكون في تفاعل من الجميع

اليوم جايب لكم امورتي لجين انا احبهم كلهم بس لجين اموت فيها .. اخاف يسمعوني

اخوانها هههههههه على العموم هذي لجين وهذي صورتها وراح اخليها تجاوب بنفسها واكتب اجاباتها

( لجين في الصف الثاني الابتدائي وعمرها 8 سنوات )


يا الله حبيبتي لجين راح اقول لك اسئله تجاوبين عليها هذي ابله قطر الندى

حطت الموضوع وانتي حتجاوبي بدون لف ودوران .

( طيب بابا )وين الاسئلة ؟

مستعجلة شوي شوي حبيبتي فكري قبل ما تجاوبي لانهم راح يضحكون عليك وشوفي اي

شي تقولينه ما راح اساعدك راح اسجله على طووووول يا الله بسم الله .

حاضر بابا بس لا تكون صعبة وبعدين اذا بيضحكون علي ما ابغاء .

لا عمري امزح معاك يا الله نبداء بالاجابة ......

الأسئلة :
1/ ايش تسوي إذا صرت فاضي ؟!

ج1 / العب مع دانه ونتفرج التلفزيون

2/ لو فزت بـ 1000ريال ايش تسوي فيها ؟!
ج2/ اشترلي لعبة كبيرة واخليك تمشيني في كل مكان .

3/ فين ودك تسافر في الاجازه الجايه؟!
ج3/ ما ادري بس ودي نروح الطائف .

4/ لو صرت مدير مدرسة ايش بتسوي ؟!
ج4/ اخاصم البنات الا ما يقعدون عاقلين واسوي كل يوم حفلة في المدرسة .

5/ تحبني يا........ ؟ طيب ليش؟!
ج5/ بابا وماما والله احبكم كلكم عشان تجيبون لي كل شي وتحبوني .

6/اللي مايصلي ايش يصير فيه؟!
ج6/ يروح النار والله ما يرزقه .

7/طالع في الساعه وقولي الساعه كم؟!
ج7/ ما عندي ساعة بس بشوف ساعة بابا ... كم . اها 10,20

8/اذا شفت نونو يبكي ايش راح تسوي له؟!
ج8/ احضنه يا بابا احبهم .

9/اذا ماكان عندك حلاوه الا وحده تعطيني هيا ولا لا؟!
ج9/ ايوه

10/ ايش تعرف عن :
الأنسولين :
اها الدواء حق بابا كل يوم اجيبه له من الثلاجة . صح بابا

الإنترنت :
حلو كل يوم بابا جالس علية وانا افتحه العب العاب بنات .

مجلس الشورى :
ما ادري

الإتيكيت :
ما ادري لا يعني الترتيب صح بابا

التعليم العالي :
المدرسة

الماركة :
الحاجة الحلوة الجديدة صح بابا

الستالايت :
ما ادري

البلاي ستيشن :
اعرفة زي الا عند تركي وعموا عبد الرحمن وتلعب فيه انت كل يوم يا بابا كوره اها اها

الشرطه :
الا تمسك الحرمية في الليل

المستشفى :
اعرفها الا يكون تعبان يروح فيها وانت تشتغل فيها يا بابا .

.................................

الله يسامحك اختي قطر الندى جابت فيا العيد كل ما تجاوب تقول صح بابا اقول لها ما ادري تقوم

تغثني تقول صح والا لا انت تبغاهم يضحكون عليا قلت لها لا يا بابا .

المهم قلت لحبيبتي لجين قولي كلمة لابلة قطر الندى قبل ما تروحين قالت

شكراً ابلة قطر الندى ومع السلامة.

لك مني اختي قطر الندى اجمل تحية على الموضوع الرائع .