منتديات دومة الجندل - عرض مشاركة واحدة

06-06-2010, 01:04 PM

صباح الخير لا والله معاك الوقت كله خير
يـا خير الوقت وأحساس القصيد وضحكة أيامي

هلا يا الرايق العذب الرقيق المترف الشرير
هلا يا رميت الحظ العقيم أللي بلا رامي

أحبك أيه أحبك والغلا دبّره بلا تدبير
يا عين القلب وانفاس الغرام ورحلة احلامي

ضميت ولا رويت إلا بعد ما جيتني تنوير
ومن فارقت شف قلبي ألين الحين لك ضامي

وجيتك لأني أذكر بك عن وجيه الشقا تغيير
يزيل الحزن و تزين الأمور وتذبح آلامي

وأنا بـالضيق واحكام البعاد ولوعة التهجير
أعـد من الجروح بـ شرهة أيامي على أوهامي

تصدق من كثر شوقي على قربك بديت أطير
يا أعذب حس يعزفني شعور بنظرة ألهامي

تقود الصبح في ضحكة محياك وكلامك غير
يشع النور في عين الظلام بـ شوق متنامي

ويزهر درب له فترة طويله خالي التشجير
بـ أفضفض لك عن هموم الغياب وجرحي الدامي

بعد سقط الوئام بـ غيبتك سقطت حصاة فـ بـيـر
تعال وجدد آمال الغلا وأستلحق أهيامي

تعال لي متى مقفي وانا قلبي على التجمير
وانا من وين ماهبّت هبوبك سارت أقدامي

صباح الخير وين الخير؟! .. يا مقفي بلا تبرير
مـ تدري .. بـ غيبتك عني يصير الهم مترامي

لو ان الطير يزعل عن سماه شلون ؟! وين ؟!! يطير
تعال وضـم نشوات الغرام بـ قدرك السامي

صباح الخير ياوجه الخير