كل
الطيور اللي توالف تشابه
ترى الحذر واجب في كل الاحوال
واللي يهاب الناس يحسب حسابه
والغطرسة والكبر مازادت رجال
أما التواضع صاحبه له مهابة
والي يذم الناس ماهو لنا فال
هذا سقيم العقل فاقد صوابه
والقول إذا ماستنده بعض الأفعال
مثل السؤال
اللي خلا من إجابه
والمجلس
اللي مابه ضيوف ودلال
وش يفرقه بين العرا والخرابه
ولا تامن الدنيا ولو فرحها طال
ياكم صغير السن مات بشبابه
مشغول في الدنيا وكانت له آمال
مايدري أن الموت بيطق بابه
واحرص على
اللي صحبته تشرح البال
راع العلوم الطيبة مرحبا به
فيه البشاشة واللطافه والاقبال
يقوم لا احتجته مقام القرابة
وابعد عن
اللي يكثر القيل والقال
نقال للهرجة ولا يعتزابه
يميل في لحظة مع الوقت لا مال
ويعلن عليك الصد عقب انقلابه
ومن قبلنا قالوا قديم الأمثال
كل
الطيور اللي توالف تشابه