يعطيك العافيه اخوي على نشر الخبر
ولكن العن من كذا نظام ماشفت بحياتي انا ضد ان البنت تطلع للسوق طالع من جسمها شي حتى العيون ولكن ماهو لدرجة التهديد .
انك تهدد وتجبرني على اني اسوي شي على كيف الهيئة لا والله ماني مجبور وهذي اختي و زوجتي و بنتي مالك شغل فيها بما انني كنت راضي عنهن انا وطالع معهن رجل الهيئه ياكل هوا ويسكت لان لو اني راضي اطلعها للسوق لابسه ومطلعه عيونها مثل ماقالوا بالفاحش فانا راضي انك تناظرها وبكل سرور ولا ليش اطلعها كذا وبعدين التقرير ذكر حادثة حايل والطعن اللي صار يعني كيف ؟ اسلوب تهديد هو ! يعني اللي يطلع خواته او زوجته او الخ ترى تاصل معنا للطعن حنا يارجال الهيئة لا والله اسمحلي ماهو نظام وهذي مسخرة للاسف وبعدين خلوهم يتعلمون اسلوب التعامل مع الاخر وبعدها اعطهم الصلاحيات اللي يبونها .
اذكر سالفه من السواليف يعدها واحد من الشباب انه كان في ليالي العيد وتخبرون يعني لازم فيه مقاضي للاهل وطالع يتقضى هو واهله بالسوق وفجأة الا وباب السيارة يفتح بدفاشه وانزل ولا تنزل الا ورجل هيئة يقول للرجال وش عندك هنا ؟
نزل له الرجال قال ابعد عن السياره شوي ! وقال ماتشوف اهلي معي ؟ يعني وش عندي جاي خلص شغل اهلي !
قال رجل الهيئه انت شكلك جاي تغازل ؟!
قاله الرجال وبكل اسف خلاص رووح اتوكل على الله قبل لايصير شي مو من صالحك !
وراح رجل الهيئة وانتهت السالفه يعني دفاشه بدفاشه .
وتدرون ليه زعلان رجل الهيئه من الرجال ؟
لانه الرجال كاااااشخ ! ههههههههههههههههههه
يبغونك اذا جبت اهلك للسوق تجي وتوك صاحي من النوم ؟
انا ماقلت هالكلام اني ضد رجال الهيئه لا والله فيه منهم الصالح ومنهم الطالح ان اتكلم عن فئه وهم اللي صرااحه بكثرة عندنا اللي ماعنده اسلوب التعامل وتعطيه صلاحية انه يتكلم على البنت وهذا اللي قالوا مايصح الا الصحيح !
كدرت مزاجي على هالصبح الله يهديك ياكاكا التمس العذر لكم بما ذكرت