يامن دخلت القلب وأغلقت بابه =ولاظنتي قبلك دخل فيه خلان
أرفق عليه ولاتسبب ذهابه =أرجوك داره وأتبع النصر بحسان
قلبآ أمره الرب صوبك وجابه=ومكتوب له ياصاحبي معك ماكان
وان كنت ماصدقت شيآ جرابه=وانه من أسبابك شقيآ ومنهان
ناظر على الشريان واقر الكتابه=اسمك نسجته ياهو الروح عنوان
والله ماحصلت مثلك مشابه=مع البشر مايحمل أوصافك انسان
من غيبتك ضاقت على الرحابه=وحبك كتمته ماشكيته ولابان
أرفق علي الملتاع ماهي طلابه=الي متى حبك على القلب سلطان
دونك ردي الوقت زاد أكترابه=عمرن بلا قربك مذله وحرمان