غالي ولك بالقلب شي ومخــــفيه
.......................اكبر من اللي بالضماير تهقواه
في غيبتك قلبي ترى الهم صاليـه
......................واسهرت ليلي بين ونــه وويلاه
البارحـه طيفك مع الليل احاكـيـه
......................يشهد علي الليل والنجم يصـغاه
فكـرت ويا الليل مبـــدع قوافيـــه
......................مسحوب طرقي والقوافي تقفـاه
والحــزن فوق القلب والهم مقفيـه
...................و ليلي غــدا ليلين والصـبر مقـواه
اكتب شطروالشطر الاخر نجاريه
........................شاعر تحده والليالي توطــاه
اجزل بيوت الشعر وحكم معانيـه
......................ولا هزيل القاف واضـح ثنايـاه
ياللي حرقت القلب منهو يطفيـــه
.....................النار نار ٍ تتعب القلب واحشــاه