لا تجرح اللي خاطره منك مكسور .. حاول تخفف من أساه بحنانك
غط الخدود البيض لا تكسر النور .. ذا ورد في مبسمك والا لسانك
قلبي معك يا مشغل البال مجبور .. من حبكم حاولت ارافق خوانك
افهم ترى قبري من الحب محفور .. وان كان ما جيته بجيك بمكانك
وجرحٍ بقلبي ما نفع فيه دكتور .. لاشك ابصبر يا عشيري عشانك
اعد ساعات الليالي والايام اعدها ما فات منها دقيقه
اعدها يوم المليح نيّام مشغول قلبي دايماً فيه ضيقه
انا وقلبي من عنا الحب باوهام مطاوعٍ قلبي دموعي غريقه
قبلي كثير من الهوى طاح ما قام مجنون ليلى قبلنا نشف ريقه
اهل المحبه حالهم جلد وعظام اسال مجرّب كان تبغا الحقيقه
عسى عذولي بالهوى حكم الاعدام ويحملونه فوق ما لا يطيقه