اهلين خيتو صموته ليش الطفش نعتذر منك ع القصور

ماهو المتصفح اللي تشتغلي عليه وهل جربتي تغيرينه
واذا غيرتيه هل تتكرر نفس المشكلة

اولا: حملي الاداه هذي لتنظيف الجهاز وطبقي الشرح بالرابط

http://good-user.blogspot.com/2010/04/cceaner.html


ثانيا: شرح ثاني اذا مانفعت الاداه

أول شي هذي المشكله من متى طلعت لك ؟؟ من بعد مانزلتي برنامج معين ؟؟



وبقول لك على حاجه تسوينها عشان تعرفين المشكله من أي برنامج بالضبط ..


اذا علق الجهاز اضغطي على Ctrl + Alt + Del كلها في نفس الوقت وراح تطلع لك ( إدارة المهام ) وبالانجليزي اسمه Task Manager

ولما يطلع لك شوفي ثالث تبويب ..
اعتقد اسمه بالعربي ( الأداء ) وبالانجليزي Performance

راح تشوفين مستطيلين سودا
الأول حق ( المعالج ) واستخدامه .. اذا شفتيه موصل لـ 100% معناتها فيه برنامج شاغل المعالج حق جهازك عشان كذا مايستجيب .. .. طيب ايش الحل ؟؟؟
تروحين للتبويب الثاني اسمه بالإنجليزي Process وبالعربي أعتقد عمليات أو حاجه زي كذا مو متأكده ..
المهم ..
تفتحين التبويب الثاني وبيجيك مثل الجدول .. أول عمود فيه اسم البروسس .. ثاني عمود هو اللي يهمنا اللي مكتوب فوقه CPU لأنه يحدد لك نسبة استخدام هذا البرنامج من المعالج .. يعني هذا البرنامج كم قاعد يستهلك من قوة المعالج عندك ؟؟
طيب على أي أساس تحددين ان البرنامج هذا ماخذ فوق حقه من المعالج أو لا ؟؟
غالبا البرامج العاديه مثل الاكسبلورر والريل بلاير ماتاخذ أكثر من 50% ..
يعني اذا شفتي برنامج قدامه حدود 80% أو 90% اضغطي على اسمه بالماوس .. واضغطي على الزر اللي في نفس النافذه مكتوب عليه ( إنهاء العمليه ) ..
بتطلع لك نافذة تأكيد .. هل تريد بالفعل إنهاء العمليه .. اضغطي على زر ( إنهاء العمليه ) ..


الحين احنا تكلمنا عن المستطيل الأول اللي في ثالث تبويب ( الأداء ) ..

والمستطيل اللي تحته هذا للـ RAM شوفي كم الاستخدام حقها
اذا كان واصل لـ 100% معناتها انه الرام عندك ماتلبي احتياجاتك .. ولازم ترفعينها بإنك تروحين لمحل ويزودون لك في الرام احتمال تكلفك حدود ميتين ريال حسب جهازك ومواصفاته ..


وفيه شيء ثالث ..
من نفس مدير المهام .. افتحي أول تبويب وبتشوفين البرامج اللي انتي مشغلتها حاليا ..
شوفي اللي يكون مكتوب جنبه Not Responding أو عدم إستجابه ..

وأغلب الظن مشكلتك في الاكسبلورر .. حاولي ماتفتحين صفحات كثير .. أو يمكن فيه موقع معين لما تفتحينه يعلق


وأعتقد تنظيف الجهاز ماله دخل بالمشكله .. لأن الجهاز لما يعلق يكون بسبب الرام أو البروسسر وهذا بسبب برنامج يكون شغال حاليا يسبب تعارض مع برنامج ثاني أو انه يستهلك حيز كبير من الذاكره أو البروسسر فيصير جهازك مايقدر يستجيب لأي أمر آخر وإذا كثرت الأوامر عليه يعلق .. وتحدث المشكله ..

فالبرنامج اللي ماتكون شغاله مالها أي علاقه ..

ثالثا : واخير مالك الا الابره برنامج بالمرفقات هذا حق فيروسات الاوتوران ينفع كثير لاغلب الاجهزه

أتمنى يكون شرحي واضح ..

مودتي

.::::.
.::آعضآء و عضوآت منتدآنآ آلغآلي::.
* لآتعتقد أن عدم رد المشرفين على موضوعك او رد خاص بك هو تجاهل لك بل إلتمس لهم العذر
وإنشغالهم بأمور أخرى قد تكون أهم .
* لآتجعل من الإنسحاب خيار سهل تنحدر في طريقه..
* التميز ليس بكثرة الموآضيع ولكن بمضمونها وبمدى فآئدتهآ..**
نحن كمشرفين ومرآقبين وإدآريين
وجدنا لمسآعدتكـ..
فأنتم الحجرالأسآسي
لهذا آلمنتدى..