ودي
أعرف وش حصل بينك وبيني ؟
ودي
أعرف ليه عزمتي الرحيل ؟
ودي
أعرف ليه صرتي ما تبيني ؟
ودي
أعرف ليه وصلي مستحيل ؟
ودي
أعرف ليه صرتي تكرهيني ؟
ودي
أعرف ليه هالصمت الطويل ؟
ودي
أعرف وش خطاي تعاقبيني ؟
بالصدود وتتركي قلبي قتيل ؟
هو خطا إني قلتلك يا نور عيني ؟
هو خطا إني قلتلك مالك مثيل ؟
هو خطا إني قلتلك إنتي سنيني ؟
هو خطا إني قلت مابي لك بديل ؟
هو خطا إني عفت لجلك من يبيني ؟
هو خطا إني قلت أعشقك يا جميل ؟
وش خطاي أرجوك قولي وفهميني ؟
وكاني مخطي أبي لقولك دليل
أدري ما عندك علي شيٍ يقيني
وأدري عندك صرت كني حلم ليل
لكن أبوصيك ليا منك ذكرتيني
أو قيل لك حاله تردت من الويل
أو قيل مات ولا دروا وش صار فيني
قولي لهم قصة وفاتي بتفصيل
وقولي لهم أنا ذبحته بيديني
يومي تركته للعنا والغرابيل
ياما رجا وصلي بقصيد(ن) يجيني
وياما تحراني برد المراسيل
ما كنت أحسبه صادق يموت فيني
كنت أحسب إنه حب زيف وتماثيل
ليني دريت إنه بغيابي حزيني
وجته المنيه عقب قطع المواصيل
وقبل الوداع أبسألك جاوبيني
وأبي إجابه صادقه دون تضليل
يومي أقول أرجوك لا تتركيني
يكفي زماني شفت منه التهاويل
وقلتي غلاك موازي لوالديني
يا كيف أخون بحب ما شفت به ميل
وجعل المنيه إن تركتك تجيني
إصبر وتثبت لك وفاي المقابيل
وين العهود اللي ما بينك وبيني ؟
يا كيف خنت الحب يا نافل الجيل ؟
وأبسألك ما خفتي الله فيني ؟
نسيتي إنه قادر(ن) يوفي الكيل ؟
ردي علي ولا تتركيني حزيني
ولا تتركي الدمعه على خدي تسيل
تكفين قولي لي السبب علميني
قولي قبل موتي يجيني من الويل