منتديات دومة الجندل - عرض مشاركة واحدة

11-14-2009, 03:47 PM

عيال الديره ، لاعبين الديره ، محترفين الديره ، وربي طلعتونا من طورنا انا الليوم اقتنعت انو ما يعجبكم العجب ولا صيام رجب .

انتم ناس فاضيه تدورون الكلام تدورون الزله ، يا اخواني انا ما قلت هالكلام الا بعد ما طلعت ارواحنا من كلامكم من زمان نقول اللي عنده كلام يتفضل لنادي الديره على قولتكم ويقول الللي عنده وانا كلي ثقه بادارة النادي انها راح تاخذ اراءه على الرحب والسعه .

لكن اسلوب البعض مننا مو حلو ولا هو باسلوب منطقي حتى بالفووز تتكلمون وتنتقدون ، معليش في نقد هادف وبناء هذا واضح من اول كلمه فيه والكل يقبله لكن انتم نقدكم هداااااااااااااااااااااااااااااااااااااااااااااااا ااااااااااااااااام .

وليعذرني الجميع انا اتمنى من الله وادعي كل يوم ان القسم هذا يقفل اتمنى من مشرفينا الاعزاء انهم ما يزعلون مني وياخذون نقدي هذا على اساس هادف وبناء ، يا اما نكون ارقى في نقاشنا واهدافنا ونحاول اننا نفيد نادينا من خلال هالقسم ولا يتقفل لاننا نسبب المشاكل للنادي بوجودنا هنا وطرح مواضيعنا اللي تسبب المشاكل لنادينا .

اذا يسمحلي اخوي المشرف العالم على المنتدى بالسوال هذا :

ليش وجد هذا القسم من المنتدى ؟؟؟؟؟
اذا كان الجواب : وجد لنقاش مشاكل وهموم النادي وايجاد الحلول المناسبه له وايضاَ تشجيع النادي والوقوف معاه في كل خطوه وفي كل ميدان ، فوالله خطوه جيده وتشكرون كل الشكر انتم وجميع من يدعمكم ونحن ايضاَ انشالله من الداعمين لمسيرتكم .

اما اذا كان الجواب : انه وجد لخلق المشاكل والفتن ولزرع الافكار السامه الهدامه في ابناء النادي والتحريض على النادي ، فانا كلي ثقه فيكم انكم ما راح ترضون بالشي هذا وراح تقفلون القسم هذا او يتم تحويله الى قسم رياضي عام وهذا اجدر الحلول .

اتمنى كلاماتي تاخذ بعين الاعتبار والتفكير ملياَ بالسطور الاخيره من الرد وايجاد حلول عاجله لهذا القسم ،

وربي يوفقك الجميع انشالله .