قصيده ب(
الجوف )
الجوف داري حبها داخل الروح
بين الضلوع الحدب يسكن غلاها
هي ديرتي لازل هرجن به مزوح
لي حق أنا أعشقها وكلي فداها
واللي سكنها مداوي لكل مجروح
من دون فزعه حاجتك هو قضاها
فعل المراجل حازها دلالن تفوح
وبيته مشرع عادتن هو خذاها
ونارن يوقد به وباين لها ضوح
والتمر حلوه تعجبك من حلاها
والبن الأشقر به الهيل له فوح
حب الكرم فعله ذيبن جناها
والنفس له عزه لو قيل مذبوح
ولا حسب قروشه ولا هو بغاها
والراس به طنخه ولو كثرت جروح
يمشي خطر ماهمته في شقاها
والعز شامخ بجوفنا باب مفتوح
شعارنا مارد وحلوه وماها
ونبقى نحب
الجوف لو ابعد الشوح
حبه في عيني وجفني غطاها
وحقه قليل وحافظين له صروح
وتبقى
جميع أرواحنا له فداها
وتبقى هي عشقي وروحي لها روح
ونبقى على عشقه ونبقى ظناها
ووصيتي لا مت وأقفيت مسموح
تكفون أبي قبري يكون بثراها
الشاعر\ كايد رويان الشمري