مسلسل ايام السراب تحدي واضح للمسلسلات التركيه دعوه للنقاش

انا صراحه اكثر قناه تشدني mbc لكن عليها طلعت مو صاحيه

هالمسلسل هذا بالذات حطم الرقم القياسي بالفشل الذريع وبعيد كل البعد عن مجتمعنا وانا عموما اشوف اي مسلسل خليجي فيه مبالغه لانه لايمثل ماهو موجود بمجتمعنا بل يخترعون قصصا ويمثلونها وكأنهم هواه وانا اشوف الفنانين الخليجين افضل بالكوميديا ادري شطحت عن الموضوع الاساسي وهو راينا بمسلسل ايام السراب بس انا مااعتبر في مسلسل عشان كذا حبيت اتكلم عن التجربه الخليجيه فالتمثيل وبالنهايه افضل مسلسل هو 37% وبس اعتبره هذا افضل ماقدمته الام بي سي من اعمال سعوديه ويسلمو دموع الورد على الموضوع

يسلموووو عالمرور والرد

انا اشوف انو هالمسلسلات ماراح تأثر بعادات وتقاليد الكبار او انها تنزع غيره الرجل على اخته ولكن خطرها كبير على الصغار والمراهقين اللي يتربى تحت هذي القنوات والمشكله الاكبر بقنوات الاطفال مثل نكلوديان ياني اكره هالقناه مافي كرتون ولا فلم الا يحكي عن الحب بين الاولاد عنبو بزران ابتدائي وبينهم حب ومواعيد والا يقهرك دعايتهم
نكلودين شبهي ؟!!! شبهك بايش يابزر يطلع يقول نكلودين شبهي ؟
شبهه بكل شي ينعرض
تخيلي يطلع طفل مدرسته تساله ما اسمك ماهي مدرستك وكل مره يقول نكلوديان والا يقهر ان السعوديه هي راعيه هالقناه !!!!
طيب هالقنوات مالها اهداف الا انها تحقق اراباح وتجذب الناس لها بمختلف هواياتهم وهم وش يحبون فلا تنتظري منهم ان اهدافهم تكون تربويه يعني خلاصه الحديث الاهل ثم الاهل هم مفروض يختارون لاولادهم هم وش يشوفون عندهم قناه المجد وبدايه وباقي القنوات تحذف او يخصص تلفاز لهم فيه قنوات الاهل هم يختارونها لاولادهم
ولاتنسين النت بعد الحين احس حتى الصغار يدخلون نت بكل سهوله ويحصلون اللي يبون بكل سهوله والاهل مهملين اولادهم

شكرا على الموضوع الرائع

بالنسبه للمسلسلات التركيه هذي عاداتهم واشياء ازود من هيك تصير بس الام بي سي تحذف ماخفي كان اعظم
وهم اصلا مايسوون هذي المسلسلات لنا يسونها لهم شي واقع عندهم بس العتب على القنوات اللي يكون رعاتها سعوديين ويرضون بمثل هالاشياء تنعرض لاجل ربح دنيوي حقير مصيره الفناء ونسو ان اي شي سلبي يكتسبه المشاهد راح يكون بميزان سيئاتهم وراحح يحاسبون عليه موفقه خيتو

مشكوره لحوووونه عالمرور والرد