قصائد فكاهية (;

قصائد فكاهية (;

الشاعره عابره سبيل تعاني من غباء حبيبها الذي لاتفيد معه كافة التلميحات
فتقول:
لي صاحب منه تبي تطلع الـــــروح
....................... خبلٍ ومن هي مولعه فيه خبله
عامين المح له مع الجد ومــــــزوح
....................... واقول ياعنتر تناديك عبلـــــــه
طال المدى ثم قلت انا اغليك يالوح
....................... مجروحة جرح مخاطره عجلـه
دنق وقال انا من العام مــــــــجروح
....................... واشّر لجرح مبطيٍ وسط رجله





عرف الشاعر حنيف بن سعيدان بنهمه الشديد بالقهوه حيث لم يكفه 15 فنجان
ذلك اليوم حتى تأفف منه مستضيفه قائلا:
خمسة عشر فنجال لحنيف صبيت
..................... لو كان بطنه قربةٍ قد ملاهـا

فرد عليه حنيف قائلا:
لاتحسبني من دلالك تقهويـــــــــت
..................... ماتنقه الشراب من كثر ماها
ياموصّي الحرمه على صكة البيت
..................... تقول ماانته فيه وانته وراها






وهذا راعي ونيت كداد يمتدح ونيته الذي ينقل عليه الوافدين من الهنود:
ياماحلا الوانيت في قلة المال
......................... في شارعٍ فيه المواتر قليله
هذا ولد بوتو وهذا ولـــــد لال
......................... وهذا رفيق تو جاب كفيلــــه







وهذا شاعر يتحدث حول الصراع الدائر في افلام كرتون بين القط توم
والفاره جيري فيقول:
يلعنك" توم" مدوخٍ دوم" جيري"
................... تلاحقه في كل حاره وداعوس








وهذا شاعر يقول:
يابنت انا ماني براغب علامــــه
................. او راشد الماجد جميل المـحيّا
الله حرمني من الحلا والوسامه
................. لكن بخفة دم مرهـــــــــي عليّا
وابوك مزعجني بكثرة كلامــــــه
................. ومطّلعٍ عيب المخاليـــــــق فيّا
من يسمعه يحسبك فاتن حمامـــه
................. مايدري انك غصب صرتي بنيّا

:):):):):)
واللي عنده قصائد يزود وادري انكم ماراح اتزودون زين تردون عالمواضيع
;)

منقول اتمنى يعجبكم

المصدر: منتديات دومة الجندل

---

rwhz] t;hidm (;