سجل أفضل بيته سمعته ولا تبخل علينا.......؟

04-25-2011, 08:20 AM

هذه هي الدنيا متاهات واحزان
كلـن يـدور راحتـه مالقاهـا
يبيلها صبر مع شـوي نسيـان
مع ضحكة تخفي دموعك وراها

04-25-2011, 08:21 AM

يـادمـعـتي روفِي عَلَيّ إن تـعـلـّيـت ..
وان قلت : طيحي ، عانديني عشاني ..
يادمعتي لولاك وش كان سويت ؟!
يمديني مت من القهر في مكانـي ..

04-25-2011, 08:21 AM

حآولت أرمي هالزعل وامتلئ البير

وبعض الزعل احيآن ما ينحكى بهـ

04-25-2011, 08:22 AM

أنت قصة كتبتها حياتي
تبدأ بك وتنتهي بك
أنت صميمها وربيع فصولها
صفحاتها تفاصيلك
وانت من يجول بين سطورها
كل من قرأها يشعر بأنها من الأساطير

أعلم ان حبي لك خيال
في زمن اصبح فيه الحب محال

04-25-2011, 08:24 AM

أصبر ياقلبي وأنتظر خل الحزن مكـتوم
.............. كُل المعاني تغـيرت وأتضحت الصورهـ

04-25-2011, 08:25 AM

كم من فراشة تمنت تلمس غصونك
والورد ياما تمنى يعيش بغصانك
و اذا ابتسمتي يذوب السكر بلونك
ويزور شهد الحياة بالقلوب خلانك

04-25-2011, 08:31 AM

الى صفالك زمانك عل ياضامي
..................اشرب قبل لا يحوس الطين صافيها

الوقت لو زان لك ياصاحبي مادامي
..................ياسرع ما تعترض دربك بلاويها

حتى وليفك لو هيم بك هيامي
..................سيّور الايام تجنح به عواديها

04-25-2011, 08:32 AM

وهـم بقلبـي،إن تنـاءت دارهـم

عني،وسخطي في الهوى ورضائي

وعلى مقامـي بالمقام،أقـام فـي

جسمي السقام،ولات حيـن شفـاء

يا هل لماضي عيشنا مـن عـودة

يومـا وأسمـحَ بعـده ببقـائـي

وكفـى غرامـا أن أبيـت متيمـا

شوقي أمامي، والقضـاء ورائـي

04-25-2011, 08:33 AM

آسف أنا في حبي لك تسرعت
... ظنيت ألاقي فيك شيٍ فقدته

كنت أحسبك مجروح مثلي تولعت
... جربت فرقى شخص قلبك وهبته

كنت أحسبك من مرّ جرحك تجرعت
... حبيت فيك أحساس طفلٍ لمحته

لو قلت آآآه بوسط روحي توجعت
... ولو شفت دمعاتك شعوري سكبته

ولو تطلب عيوني ابد ما تمنعت
... وأعطيك قلبي لو بعد ما طلبته

وصلت بك أعلى مكان وتربعت
... وفي قلب غيري ياالغضي ما وصلته

واصبر على صدك وأشوفك تدلعت
... واعطيك ود ما أظنك حسبته

أذهلتني بطباعك اللي تطبعت
... حتى قصيدي فيك ابد ما فهمته

لو كان غايتك حروفي فانا بعت
... وافرح بجرح الشاعر اللي جرحته

وأرجوك من صدك تراني تشبعت
... خلك مع اللي عاجبك أو عجبته

يكفي قهر في جيتي لك تواضعت
... تركت غيرك لأجل عينك وبعته

ياليتني عن حب مثلك ترفعت
... ياليت قلبي قبل أعرفك دفنته

لكن أببعد دامني بك توهقت
... الله يرحم حبنا اللي ذبحته

أنا شريت الود والحين أنا بعت
... وأنا عطيتك قلبي اللي قهرته

في يوم جيتك أطلبك ود وأقنعت
... نفسي بأنك شخص عادي عرفته

كمل حياتك مثل ما أنا توقعت
... تبقى أسير الماضي اللي فرضته

ولا يحزنك إني غلطان وتراجعت
... حولك بدالي ألف شخصٍ عجبته

أما أنا لا يمكن اخضع ولا طعت
... يحرم علي أعطيك قلبٍ خذلته

بريّحك من شوفتي يومك قطعت
... أسلوبك اللي به تجامل كرهته

غلطان يا المقفى أنا ما تتبعت
... غيري يتابع خطوتي ما تبعته

ما ينحني راسي لو إني تقطعت
... وما هو أنا لا من رميته لقطته

وان كان غرك كلام عذالي وطعت
... الله يعلم كيف قلبي سكنته

اللي ملا قلبك علي وتسمعت
... خله يعوض شخص مثلي خسرته

أنا بما فيه الكفاية تولعت
... واللي بقى من قلب فيني حرقته

بأول لقاء سلمتك إحساسي وضعت
... غلطت حياتي يوم قلبي سلبته

واستسمحك بالبعد كأني تراجعت
... ما عاد ابلقى فيك شي فقدته

طبعك مثل غيرك وطبعي كما كنت
... أحب شخص ولا تركته،، تركته

وان شفتني صدفة بعينك تطلعت
... ذكرتني بإنسان غالي فقدته

04-25-2011, 08:34 AM

مِنْ [ رَحلتْ ] . . !
صارت الدنيا / جِفافْ
وڪِل شي بعيني ( زايفْ )
ڪِيف انساهـ الزوايا اللي خذتنا
ڪِيف أڪون إني [ انا ] بعدڪ هِنا . . ؟
آه منڪ
آه منڪ ’
آه منڪ ’
يالظروف اللي عصتنا و آآآه منڪ يا [ أنا ] . . !


قريبا		بقلم :		قريبا		قريبا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أفضل الطاعات والصدقات	كحيلان العز	۞ مسجد عمر ۞	14	07-03-2010 04:15 PM
جدول جوائز زين النهائي هذا الجمهور ولا بلا	راؤول العرب11	۞ الألعاب الرياضية السعودية والعالمية ۞	3	03-22-2010 07:51 AM
أفضل عشرة أطعمة لمقاومة الشيخوخة والتعب والاكتئاب	مارد	۞ الصحة العامة ۞	7	02-23-2010 02:14 PM
كذبوا علينا	حلــوة الحيــاة	۞ المواضيع العامة ۞	3	07-01-2009 07:45 AM

سجل أفضل بيته سمعته ولا تبخل علينا.......؟

خاص بالمقطوعات الشعرية والقصيد بمختلف انواعه

سجل أفضل بيته سمعته ولا تبخل علينا.......؟

۞ القصائد المنقولة ۞

اعلانات المنتدى